साहित्य :-
धुवून बारीक चिरलेली अंबाडी,
पाच - सहा हिरव्या मिरचीचे तुकडे,
गुळ २ पोफळाएवढा,
मीठ चवीप्रमाणे,
तिखट अर्धा चमचा,
शिजलेला भात चुरडून एकजीव केलेला १ वाटी, १/२ वाटी तांदुळाच्या कण्या,
पंधरा - वीस लसूण पाकळ्या सोललेल्या,
निम्मेनिम्मे तुकडे केलेली मोहरी,
एक डाव तेल.
हरभरा डाळ एक डाव, २-३ चहाचे चमचे डाळीचे पीठ
१/२ वाटी तुरीची डाळ,
दाणे १ डाव लहान.
हळद- मोहरी प्रत्येकी एक चमचा,
कृती :- प्रथम डाळ, दाणे भिजत टाकून कुकरला चिरलेली भाजी, डाळ, दाणे गाळून उकडून घ्यावी. पाणी थोडे काढावे.
नंतर डाळीचे पीठ भात आणि भाजी चांगली घाटून घ्यावी.
१ डाव तेल घालून मोहरी, हिंग, हळद, लसूण घालून खमंग फोडणी करावी. लसूण तांबूस होऊ द्यावा.
नंतर मीठ,मिरच्या, तिखट, गुळ घालून चांगली उकळी द्यावी.